قصيدهـ الخناجر لـ الشاعر حامد زيد

Meema Bent Faisal السبت يناير 16, 2010 7:01 am

عفا الله عن خطا غدر الخناجر والضلوع ابطال

........................................ بسامح واتركك تحت الظلام الحالك لحالك

دخيلك وفر دموعك ترى هدر الدموع اذلال

....................................وترى مافيه أحد يصبر مثل صبري بغربالك

أنا عيب علي أنقض كلامي والرجال أفعال

.......................................و اذا قلت اقطع احبالك تراني بقطع حبالك

عشان اكسب هدب عينك تجرعت العذاب أشكال

......................................ول يتك ترأف بحالي علشان ارأف بحالك

مسوي في حياتي شي مايذكر ولا ينقال

...................................حشا حتى العدو وهو العدو مايعمل أعمالك

تمسيني على الهم وتصبحني على الغربال

........................................ ...تقلطني فناجيلك وتقصر عني دلالك

تحملت التعب لجلك وأنا حملي يهد جبال

..................................رحلت من العذاب وما وقفت الا على جالك

علامك كل ماجيك متواضع جيتني تختال؟

.................................معاك اليا متى بصبر وصبري معك يحلالك؟

مثل ما اقبلت لعيونك لزوم تلد لي باقبال

...........................ومثل ماقد حشمتك حس واحشم قلبي اشوى لك

أنا محد بجابرني أساير معك هالمنوال

.................................. ترى لاني تبيع لك ولا ني باصغر عيالك

أنا جيت أعشقك نبض ومشاعر ما اعشقك تمثال

............................أنا جيت اسكنك واحياك وأبقى فيك وأبقى لك

أنا جيت بظما عاشق تعب يطرد سراب اللال

..............................أنا جيت استفز رضاك من فرقاك وألجا لك

أنا ماهمت بك عاقل أنا كنت اعشقك بخبال

.............................. أنا ماكنت أحبك حي أنا كنت أعشقك هالك

تخيل من كثر ما أخاف تلقى للزعل مدخال

........................ أخاف أخطي على طيفك وادوس برجلي ظلالك

تبعتك والعرب تتبع رعود البارق الهمال

..............................وأنا شفت المطر يتبعك في حلك وترحالك

كأن اللي خلق حسنك خلقني مع جسدك ظلال

.......................وصرت أقرب جسد يمشي معك باقفاك واقبالك

أبي قلبك يحس انه فقد بمحبته رجال

..........................ملكته من هدب عين وخسرت رضاه باهمالك

صحيح ان الفراق اقسى ولكن الوصال محال

....................... أنا صعبن على أرضي غرورك وأضعف قبالك

بعد ما حققت عيني فبعدك للرقاد آمال

..............................أعود للسهر؟ ..ياخوي فال الله ولا فالك

ببدل نظرتك فيني واجي لك كل يوم بحال

............................ بكون أقرب من ثيابك عليك ولا تهيا لك

بألمك وأنثرك وأجمعك وأرجع وأنثرك باهمال

..................بخونك وأزعلك وأرضيك وأزعل منك وأرضى لك

أبرسم بالثرى وجهك وابدفن صورتك برمال

...........................أبشكي للعرب فرقاك واضحك عند عذالك

أبهديك الوصال فراق وأهديك الفراق وصال

......................... بسوي مثل ما أشوفك تسوي وأفعل أفعالك

عشان تعرف من فينا الزعول ومن وسيع البال

...............................أبيك تذوق فنجالي وأنا بذوق فنجالك

نصيحة واحتفظ فيها قصر معك الزمن أو طال

..........................أبي تسمع كلامي زين وتحطه على بالك

اذا حبك هبال أطفال لك عندي هبال أطفال

....................... ولا ...وأبشر بعد بهبال حب ماهو بهبالك

واذا قصدك تهين اسمي عشان تشمت العذال

...............ترى لا أنته ولا غيرك ...ولا عشرة من أشكالك